काठमाडौं – कोरोना भाइरस (कोभिड–१९) का कारण इङ्ग्लिस प्रिमियर लिग अन्तरगत म्यान्चेस्टर सिटी र आर्सनलबीचको खेल स्थगित भएको छ ।

बुधबार हुने तय भएको खेल कोरोना भाइरसको प्रभाव बढेसँगै तत्कालका लागि स्थगित गरिएको हो ।

लिगमा सिटी २८ खेलमा ५७ अंकसहित शीर्ष दोस्रो स्थानमा छ । यस्तै, आर्सनले समान २८ खेलबाटै ४० अंक जोड्दै नवौं स्थानमा छ । लिगको शीर्ष स्थानमा भने लिभरपुल रहेको छ । लिभरपुल दोस्रो स्थानको सिटीभन्दा २५ अंकले अगाडि छ ।

कोरोनाको त्रास बढ्न थालेपछि सिटीको घरेलु मेदानमा हुने तय भएको खेल स्थगित गरिएको सिटीले जनाएको छ । यस्तै, ओलम्पिकासो क्लबले त कतिपय आफ्ना खेलाडीलाई कोरोनाको संक्रमण भएको आशंकामा उनीहरुलाई ‘सेल्फ–आइसोलेसन’ मा रहेका छन् ।

यस्तै, प्रिमियर लिगले भने अन्य खेल स्थगित गर्ने योजना नरहेको स्पष्ट पार्दै सबै खेल नियमित हुने बताएको छ । आज बिहानको खेल स्थगित गर्ने निर्णय गर्दासम्म बेलायतमा ३ सय ८२ जनामा कोरोनाको संक्रमण भेटिएको छ भने ६ जनाको मृत्यु भइसकेको छ ।