मुम्बई – सन् २००८ मा रिलिज भएको आमिर खानको हिट फिल्म ‘गजनी’ को सिक्वेल बन्ने सम्भावना देखिएको छ । मेकर्सले यसको सिक्वेल बन्न सक्ने ‘संकेत’ दिएको भारतीय मिडियाले जनाएका छन् ।

आमिर खानको गजनीले बक्स अफिसमा कमालको व्यापार गरेको थियो । दर्शकबाट पनि फिल्मले राम्रो तारिफ बटुलेको थियो । कति नेपाली गजनी स्टाइलको कपालसमेत काटेका थिए ।

रिलायन्स इन्टरटेनमेन्टले सामाजिक सञ्जालमार्फत एक यस्तो ट्वीट गरेको छ, जसको कारण फिल्मको सिक्वेल बन्ने चर्चा शुरु भएको छ ।

मेकरले आमिर खानलाई ट्याग गर्दै लेखेको छ, ‘यो पोस्ट यसै पनि गजनीका लागि थियो, तर भुलियो कि, हामीले के बनाउन चाहन्थ्यौं ।’

खबरका अनुसार दक्षिण भारतीय फिल्म ‘विक्रम वेदा’ को रिमेकका रुपमा ‘गजनी २’ बन्न सक्छ । फिल्ममा आमिर खान यस्तो मान्छेको भूमिकामा हुनेछन् । जसले छोटो समयमा एकदमै छिटो हरेक कुराहरु भुल्ने गर्छन् ।

यतिबेला भने ‘लाल सिंह चड्ढा’मा व्यस्त छन् । यो फिल्म हलिउड फिल्म ‘फरेस्ट गम्प’ को हिन्दी रिमेक हो ।