काठमाडौं- पूर्वसञ्चार तथा सूचनाप्रविधि मन्त्री गोकुलप्रसाद बाँस्कोटाको घरमा बिस्फोट गराएको आशंकामा एक जना पक्राउ परेका छन् ।
बाँस्कोटाको घरमा कुकर बम विस्फोट गराएको आशंकामा मनोहरा सुकुम्बासी बस्तीबाट देव गुरुङ पक्राउ परेका हुन् ।
उनलाई महानगरीय प्रहरी वृत्त ठिमीको टोलीले पक्राउ गरेको हो। पक्राउ परेका गुरुङमाथि प्रारम्भिक बयान लिने काम जारी रहेको प्रहरीले जनाएको छ ।
पूर्वमन्त्री बाँस्कोटाको घर नजिक आज बिहान विष्फोट भएको थियो । विष्फोट भएको स्थान नजिकै नेत्रविक्रम चन्द समूहको पर्चा फेला परेको थियो ।
विस्फोटबाट बाँस्कोटाको घरसँगै रहेका अरु तीन वटा घरमा पनि सामान्य क्षति पुगेको छ।
प्रतिक्रिया