पाकिस्तानी हल्क एवम् खानबाबा उपनामले चिनिने २७ बर्षीय अरबाब खिजर ह्यातलाई एक दुलही चाहिएको छ । तर उनकी दुलही हुनका लागी केहि सीमाहरु तोकिएका छन् ।

अर्थात उनकी दुलही हुन चाहने युवती कम से कम १ सय किलोग्रामको हुन अनिवार्य छ ।

पछिल्लो २ बर्षयता इन्टरनेटमा निकै चर्चित बनेका पाकिस्तानी यी हल्क एक वेट लिफ्टर (भारोत्तोलक) हुन् । उनी आफैको वजन पनि सितिमितिको छैन ।

उनी करीब ४ सय ४५ किलोग्रामका छन् । यहि वजन र बडेमानको शरीरका कारण चर्चामा रहेका उनलाई अहिले आफ्नो वजनले नै चिन्तित बनाएको छ । अहिले उनले विवाहको मनसाय बनाए पनि आफु मिल्दो दुलही पाउन सकेका छैनन् ।

आफ्नै वजन झण्डै साढे चार सय किलोग्राम रहेका खानबाबाको परिवारले विवाहका लागी दुलही खोज्ने काम थालेका छन् ।

उनले आफुलाई १ सय किलोग्रामकी दुलही चाहिने शर्त राखेका छन् । यो संगै दुलहीको उचाई छ फीट चार इञ्च हुनुपर्ने, राम्रो खाना पकाउन जान्नुपर्ने लगायतका शर्त छन् ।

खानबाबाको दैनिक आहार १० हजार क्यालोरीको रहने गरेको छ । उनी दैनिक खाजामा ३६ अण्डा खाने गर्दछन् ।

यसका साथै हरेक दिन ४ कुखुरा र पाच लिटर दूध पिउँदै आएका छन् । यतिधेरै मोटोपना भए पनि अहिलेसम्म उनमा कुनै रोग छैन ।