काठमाडौं– गुण्डा नाइके रमेश बाहुन भनिने सुजन पौडेलविरुद्ध जिल्ला अदालत काठमाडौंले १० वर्ष कैद र ७५ हजार रुपैयाँ जरिवानाको फैसला सुनाएको छ ।
जिल्ला अदालत काठमाडौंका न्यायाधीश नवराज दाहालको इजलासले उनलाई लागू औषध (हेरोइन) कारोबार तथा हातहतियारको मुद्दामा दोषी ठहर गर्दै १० वर्ष कैद र ७५ हजार रुपैयाँ जरिवानाको फैसला सुनाएको हो ।
रामेछापको दुरागाउँ घर भएका पौडेलविरुद्ध १४ साउन २०७१ मा जिल्ला अदालत काठमाडौंमा मुद्दा दर्ता भएको थियो ।
पौडेल १० असार २०७१ मा काठमाडौंको कलंकीबाट लागू औषध खैरो हेरोइन र कटुवा पेस्तोलको १० राउण्ड गोलीसहित पक्राउ परेका थिए ।
प्रतिक्रिया