काठमाडौं-संविधानविद भीमार्जुन आचार्यले पृथ्वी जयन्तीलाई एकता दिवसका रुपमा मनाउनुपर्ने बताएका छन् ।

पृथ्वी जयन्तीको पूर्वसन्ध्यामा आचार्यले सामाजिक सञ्जाल फेसबुकमा एक स्टाटस लेख्दै राष्ट्रिय एकता दिवस हाम्रो साझा सम्पदा रहेको उल्लेख गरेका छन् ।

पृथ्वी नारायण शाहले निर्माण गरेको राष्ट्रमा रजाइँ गर्नेहरुले नसम्झे पनि एउटा सच्चा नेपालीले पृथ्वीनारायण शाहलाई कहिल्यै बिर्सन नसक्ने उनको तर्क छ ।

आचार्यले नेपाल राष्ट्र निर्माणमा पृथ्वी नारायण शाहलाई सबै जातजाति र समुदायका मानिसहरूले साथ दिएको भए पनि स‌िंगो नेपाल निर्माणको नेतृत्व र भिजन उनकै रहेको बताएका छन् ।

आचार्यले भनेका छन्, ‘हरेक देशका साँझा सम्पदा हुन्छन् । राष्ट्रिय एकता दिवस हाम्रो यस्तै एउटा सम्पदा थियो र हो ।’

फेसबुकमा आचार्यले लेखेको स्टाटस यस्तो छ :
पुस २७ गते पृथ्वी जयन्ती तथा राष्ट्रिय एकता दिवस ।

उनले निर्माण गरेको राष्ट्रमा रजाइँ गर्नेहरुले नसम्झे पनि एउटा सच्चा नेपालीले पृथ्वीनारायण शाहलाई कहिल्यै बिर्सन सक्दैन।

नेपाल राष्ट्र निर्माणमा उनलाई सबै जातजाति र समुदायका मानिसहरूले साथ दिएको भए पनि नेतृत्व र भिजन उनकै हो। हरेक देशका साँझा सम्पदा हुन्छन् । राष्ट्रिय एकता दिवस हाम्रो यस्तै एउटा सम्पदा थियो र हो ।

विदेशीका सामु आफ्नो स्वाभिमान बेचिसकेकाहरुका लागि यसको महत्व हुने कुरै भएन । बरू उनीहरु यसलाई धुमिल बनाउन लागि रहे। यसका लागि उनीहरुले राष्ट्रिय एकता दिवसलाई सरकारी क्यलेण्डरबाट झिकिदिए।

पृथ्वीनारायण शाहको मूर्ति फोडन लगाएँ। जातजातिका बीचमा द्वेष सिर्जना गराए। तथापि, उनीहरुले देश बिखण्डन गर्ने सम्मको लक्ष्य अझै प्राप्त गर्न सकेका छैनन् ।

उनीहरूलाई परास्त गर्न पनि राष्ट्रिय एकता दिवस धुमधामले मनाउँनु पर्छ र पृथ्वीनारायण शाहलाई अझ धेरै सम्मान गर्नु पर्दछ । यो उपलक्ष्यमा म सबै नेपालीहरु बीचको एकता अझै मजबुत हुदै जाओस् भन्ने कामना गर्दछु । जय राष्ट्रिय एकता दिवस!