चितवन– चितवन राष्ट्रिय निकुञ्जमा पोथी गैंडा मृत फेला परेको छ ।
निकुञ्जको कसरा नजिक घटगाइ लामिताले क्षेत्रमा एउटा अन्दाजी १५/२० वर्षको पोथी गैंडा मृत फेला परेको हो । शुक्रबार मृत गैंडा फेला परेको हो ।
निकुञ्जभित्र र मध्यवर्ती क्षेत्रमा साउनयता ७ गैंडा मरेका छन् । चितवनको राष्ट्रिय वन क्षेत्रमा दुई गैंडा मृत फेला परेका छन् ।
सबै गैंडाको खाग र खुर सुरक्षित भेटिएका कारण चोरी सिकारीले नभएर कालगति, घाउ चोट वा अन्य दुर्घटनामा परेर गैंडा मरेको निकुञ्जका अधिकारीहरुको भनाइ छ । अघिल्लो वर्ष सर्वाधिक ४३ गैंडा मरेका थिए ।
प्रतिक्रिया