काठमाडौं– नेपाली राष्ट्रिय फुटबल टोलीका मुख्य प्रशिक्षक योहान कालिनको राजीनामा स्वीकृत भएको छ ।

अखिल नेपाल फुटबल संघ (एन्फा) को बिहीबार बसेको कार्य समितिले बैठकले प्रशिक्षक कालिनको राजीनामा स्वीकृत गरेको हो ।

कालिनले नोभेम्बर १ मा एन्फालाई राजीनामा पत्र बुझाएका थिए । सन् २०१९ को मार्चमा नेपाली टोलीको नेतृत्व सम्हाल्न उनी काठमाडौं आएका थिए ।

उनको दुई वर्षे कार्यकालमा नेपालले केही मैत्रिपुर्ण फुटबल खेलेको थियो भने फिफा विश्वकप छनोट २०२२ अन्तरगतका ५ खेल खेलेको थियो ।

जसमा नेपालले १ खेलमा जीत हात पार्दा ४ खेल हार व्येहोरेको थियो । कालिनको राजीनामा स्वीकृत गरेको एन्फाले कार्यवाहक प्रशिक्षकको जिम्मेवारी बाल गोपाल महर्जनलाई दिएको छ ।