काठमाडौँ- सिटी एक्सप्रेस मनी ट्रान्सफरको सेवा हङकङबाट पनि सुरू भएको छ ।

हङकङको वायरइज् रेमिट्यान्स कम्पनी र सिटी एक्सप्रेसबीच सम्झौता भएसँगै अब हङकङबाट पनि नेपालमा रकम पठाउन सकिने भएको हो ।

सिटी एक्सप्रेसका प्रवन्ध निर्देशक चन्द्र टण्डन र वायरइजका निर्देशक रितु त्रिपाठीबीच रेमिट्यान्स कारोबार सुरू गर्ने सम्झौतामा हस्ताक्षर भएको हो ।

हङकङमा हुने नेपालीहरुले वायरइज् रेमिट्यान्सको सेवा प्रयोग गरी सिटी एक्सप्रेसमार्फत अब सजिलै आफन्तलाई नेपालमा पैसा पठाउन सक्नेछन् ।

सिटी एक्सप्रेससँग आवद्ध नेपालका १० हजार भन्दाबढी  जुनसुकै एजेन्टहरूबाट रकम भुक्तानी लिन सकिने कम्पनीले जनाएको छ ।

यसअतिरिक्त नेपालको जुन सुकै बैंकको खातामा रकम जम्मा गर्न र मोबाइल वालेटमा लोड गर्न सकिने जनाइएको छ ।

यही नोभेम्बर ३० सम्म रकम पठाउनेका लागि कुनै शुल्क नलिइने पनि कम्पनीले जनाएको छ ।