काठमाडौँ- बन्दना राणा महिलाविरुद्ध हुने सबै प्रकारका भेदभाव अन्त्यसम्बन्धी संयुक्त राष्ट्रसंघीय समिति (सीड)को सदस्यमा फेरि निर्वाचित भएकी छन् ।
हाल सीडको उपाध्यक्ष रहेकी उनी दोस्रो कार्यकालका लागि पनि सिडको सदस्यमा निर्वाचित भएको संयुक्त राष्ट्रसंघका लागि नेपालको स्थायी मिसनले जनाएको छ ।
न्यूर्योकमा सोमबार भएको चुनावमा १३७ देशको मत पाएर राणा फेरि निर्वाचित भएकी हुन् ।
१९ उम्मेदवार मध्ये सर्वाधिक मत पाउनेको सूचीमा उनी तेस्रो स्थानमा रहिन् । सन् २०२१–२०२४ को कार्यकालका लागि निर्वाचित हुने ११ उम्मेदवार मध्ये उनी एक हुन् ।
सीड कमिटिमा रहेर काम गर्ने उनी पहिलो नेपाली महिला पनि हुन् ।
प्रतिक्रिया