काठमाडौं- राष्ट्रिय प्रजातन्त्र पार्टी (राप्रपा) का अध्यक्ष पशुपति शम्शेर राणाले अनसनरत डा. गोविन्द केसीको जीवन रक्षा गर्न सरकारसँग आग्रह गरेका छन् ।
उनले सार्थक छलफल गरी वार्ता टुङ्ग्याउन सरकारलाई आग्रह गरेका हुन् ।
डा. गोविन्द केसीको स्वास्थ्य स्थिति निकै चिन्ताजनक बनेको भन्दै अध्यक्ष राणाले सरकारले नागरिकको जीवनमाथि खेलबाड नगरी गंभीर बन्नु पर्ने बताए ।
शनिबार ट्वीट गर्दै उनले भनेका छन्, ‘अवस्थाको गाम्भीर्यता र संवदेनशीलता मध्यनजर गरेर सरकारलाई अविलम्ब सार्थक छलफल गरी वार्ता टुङ्ग्याउन आह्वान गर्दछु । डा. केसीको जीवन रक्षा गर्न सरकारको गंभीर ध्यानाकर्षण गर्दछु ।’
प्रतिक्रिया