काठमाडौं- नेपालस्थित भारतीय दूतावासले नेपालमा बाढी पहिरोबाट भएको क्षतिप्रति दुःख व्यक्त गरेको छ ।
दूतावासले सिन्धुपाल्चोकलगायत नेपालका विभिन्न जिल्लाहरुमा बाढी र पहिरोको कारण हुन गएको जनधनको क्षतिप्रति दुःख व्यक्त गरेको हो ।
‘सिन्धुपाल्चोक लगायत नेपालका विभिन्न जिल्लाहरुमा बाढी र पहिरोको कारण हुन गएको जनधनको क्षतिप्रति दुखित छौं’, दूतावासले सामाजिक सञ्चाल ट्वीटरमा लेखेको छ- प्रियजनहरू गुमाएका परिवारप्रति समवेदना एवम् प्रभावित सबैप्रति गहिरो सहानुभूति व्यक्त गर्दछौं ।’
सिन्धुपाल्चोक लगायत नेपालका विभिन्न जिल्लाहरुमा बाढी र पहिरोको कारण हुनगएको जनधनको क्षतिप्रति दुखित छौं। प्रियजनहरू गुमाएका परिवारप्रति सम्बेदना एवम् प्रभावित सबैप्रति गहिरो सहानुभूति व्यक्त गर्दछौं ।
— IndiaInNepal (@IndiaInNepal) July 10, 2020
विहीबार रातिदेखिको अविरल वर्षाका कारण सिन्धुपाल्चोकको भोटेकोशी लगायतका खेलामा आएको बाढीले जिल्लाका विभिन्न क्षेत्रमा क्षति पुर्याएको छ ।
त्यसैगरी आज दिनभरको वर्षाले कास्की, म्याग्दी, लमजुङ, जाजरकोट लगायतका जिल्लामा गएको बाढी र पहिरोले धनजनको क्षति पुर्याएको छ ।
प्रतिक्रिया