काठमाडौं – त्रिभुवन आर्मी क्लब १८ औं संस्करणको आहा रारा गोल्डकप फुटबलको सेमिफाइनलमा प्रवेश गरेको छ ।
पोखरा रंगशालामा जारी प्रतियोगितामा मंगलबार भएको क्वार्टरफाइनल खेलमा ‘ए’ डिभिजन प्रतिद्वन्द्वी संकटा क्लबलाई ३-० गोल अन्तरले पराजित गर्दै आर्मीले अन्तिम चारको स्थान सुरक्षित गरेको हो ।
संकटाविरुद्ध आर्मीका सुदिल राई, नवयुग श्रेष्ठ र विवेक बस्नेतले समान एक–एक गोल गरे ।
खेलको १४ औं मिनेटमा सुदिलले गोल गर्दै आर्मीलाई १-० को अग्रता दिलाएका थिए भने ७० औं मिनेटमा नवयुगले र ७५ औं मिनेटमा विवेकले गोल गर्दै टीमलाई ३-० गोल अन्तरको जित दिलाए ।
अब आर्मीले सेमिफाइनलमा मनाङ मर्स्याङ्दी क्लबसँग खेल्नेछ ।
प्रतिक्रिया