बेइजिङ– चिनियाँ राष्ट्रपति सी चिनफिङले कोरोना भाइरसको प्रकोपबाट सबैभन्दा धेरै प्रभावित वुहान शहरको पहिलो पटक भ्रमण गरेका छन् ।

कोरोना भाइरसको प्रकोपबाट मृत्यु हुनेको एवं संक्रमितको संख्या घट्दै जान थालेका बेला चिनियाँ राष्ट्रपतिले वुहान शहरको भ्रमण गरेका हुन् । भ्रमणका बेला राष्ट्रपति सीले त्यहाँ कार्यरत स्वास्थ्यकर्मीहरुलाई धन्यवाद एवं बधाई दिइने चीनको सिन्ह्वा समाचार संस्थाले जनाएको छ ।

कोरोनाको प्रकोप उत्कर्षमा रहेका बेला भाइरसका संक्रमण आफूमा पनि पर्ने भयका कारण उनले यसअघि त्यस शहरको भ्रमण गरेका थिएनन् ।

यसअघि कोरोना भाइरसको प्रकोप उत्कर्षमा रहेका बेला चीनको कम्युनिष्ट सरकारले यसको नियन्त्रण एवं रोकथामका लागि चालेका कदमको विश्वभर आलोचना भएको थियो । त्यसबाहेक चीन सरकारले मृतक एवं संक्रमितको तथ्यांकमा पारदर्शीता नअपनाएको आरोप पनि लाग्ने गरेको छ ।