काठमाडौं – जिन्स कपडा लगाउने आ-आफ्नो सौख हुन्छ । तर खरिद गर्दा ध्यान दिइएन भने मेहनतको कमाई बालुवामा हालिएको पानी जस्तो बन्न सक्छ ।
यसर्थ जिन्स खरिद गर्दा सबैभन्दा पहिला त्यसको लेबल हेर्नुपर्छ। फेब्रिकबारे जानकारी हुनुपर्छ। ८० देखि सय प्रतिशतसम्म कटन मिक्स जिन्स आरामदायी हुन्छ। त्यसको फिटिङ पनि राम्रो हुने भुक्तभोगीहरु बताउँछन् ।
लिनेन फेब्रिक मिसाइएको जिन्सको फिटिङ राम्रो हुने भएकाले फेब्रिक र देशबारे थाहा हुन जरुरी छ । प्रायः अमेरिका, जर्मनी, जापान लगायतका देशमा बनेको जिन्स राम्रो र टिकाउ मानिन्छन्।
तर सधैँ एकनास जिन्स लगाउनुभन्दा फरक/फरक पसलमा पाइने नयाँ–नयाँ स्टाइल र ब्रान्डका जिन्स किन्दा उत्तम हुने फेसन डिजाइनरहरु सुझाउँछन् ।
प्रतिक्रिया