काभ्रे – धुलिखेल सामुदायिक अस्पतालले पनि शव परीक्षण सेवा सञ्चालन गर्ने अुनमति पाएको गरेको छ ।

स्वास्थ्य तथा जनसङ्ख्या मन्त्रालयले धुलिखेल अस्पताललाई यही माघ १ गतेदेखि शव परीक्षणको अनुमति दिएको जनाइएको छ ।

काभ्रेमा यसअघि शिर मेमोरियल अस्पतालले शव परीक्षण सेवा प्रदान गर्दै आएको छ । आइतबार अस्पतालले सेवा सञ्चालन गर्न आवश्यक तयारीमा जिल्ला स्थित प्रशासन, प्रहरी र अदालतका प्रमुखहरुसँग परामर्श गरेको छ ।

अस्पतालका डा. राजकुमार कार्कीका अनुसार अस्पतालले यो सेवा सञ्चालन गर्न ५ बर्षअघि पनि छलफल चलाएको थियो । यसका लागि आवश्यक संरचना निर्माण तथा जनशक्ति व्यवस्थाभएपछि मन्त्रालयले अनुमति दिएको जनाइएको छ ।

उमेर प्रमाणीकरण, कुटपिट, जबर्जस्ती करणी, मानसिक अवस्थाको परीक्षण, यातना, शव परीक्षण मृत्युको कारण र अन्य कुनै घटनाको सम्बन्धमा प्रचलित कानूनबमोजिम गरिने चिकित्सकीय जाँच लगायतका सेवा अब धुलिखेल अस्पतालबाट पनि प्राप्त हुनेछ ।