लहान- नेपालमा चिनियाँ हस्तक्षेप बढेको ‘सरिता गिरी समर्थक समूह’ले सिरहाको लहानमा प्रदर्शन गरेको छ ।

स्थानीय पशुपति आदर्श माध्यमिक विद्यालय प्राङ्गणबाट निकालिएको चीनविरोधी र्‍याली बजार परिक्रमा गरी कोणसभामा परिणत भएको थियो ।

र्‍यालीमा ‘लोकतन्त्र सुनिश्चित गर’, ‘नागरिक अधिकार रक्षा गर’, ‘गो ब्याक चाइना’, ‘नेपालको राजनीतिमा चीनको हस्तक्षेप बन्द गर’, ‘चीनले मिचेको नेपाली भूमी फिर्ता गर’  जस्ता नारा लगाइएको थियो ।

नेपालको राजनीतिमा बढेको चिनियाँ हस्तक्षेपकै कारण नक्सा प्रकरणमा नेतृ सरिता गिरीलाई कारबाही गरिएकाले प्रदर्शनमा उत्रन बाध्य भएको सहभागीहरूले बताएका छन् ।

कोणसभामा पूर्वमन्त्रीसमेत रहेकी नेतृ गिरीले नक्सा प्रकरणमा संसदमा उठाएका आफ्ना आवाज जायज रहेकी दाबी गरेकी थिइन् ।