काठमाडौँ- प्रधानमन्त्री केपी शर्मा ओलीले दाङका कम्युनिष्ट नेता मणिकलाल गौतमको निधनमा  दुःख व्यक्त गरेका छन् ।

बुधबार एक शोक विज्ञप्ति जारी गर्दै प्रधानमन्त्री ओलीले दाङको कम्युनिष्ट आन्दोलनका संस्थापक नेतासमेत रहेका गौतमको निधनले आफूलाई अत्यन्तै दुखित तुल्याएको बताएका छन् ।

प्रधानमन्त्री ओलीले दिवंगत गौतमप्रति श्रद्धाञ्जलि व्यक्त गर्दै शोकाकुल परिवार तथा आफन्तजनमा गहिरो समवेदना व्यक्त गरेका छन् ।

गौतमले दाङ क्षेत्रमा पार्टी स्थापनादेखि नै लामो समयसम्म स्वतन्त्रता, सामाजिक न्याय, समानता र प्रगतिशील आन्दोलनमा निरन्तर रुपमा पुर्‍याएको योगदान अविस्मरणीय रहेको बताउँदै प्रधानमन्त्री ओलीले न्याय, स्वतन्त्रता र सामाजिक परिवर्तनको आन्दोलनमा उनको निष्ठा र समपर्णको सम्मान गरेका छन् ।

विसं २००९ मा दाङमा कम्युनिष्ट पार्टीको स्थापनामा महत्वपूर्ण भूमिका खेलेका गाैतम नेकपा दाङका संस्थापक सदस्य तथा केन्द्रीय सल्लाहकार परिषद् सदस्य थिए । उनको आज बिहान ३ बजे निधन भएको थियो ।