वास्तु अनुसार घरको धाराबाट वा ट्न्याकिबाट पानी चुहिने समस्या छ भने त्यसलाई तुरुन्त ठिक गर्नुहोस् । अन्यथा पानी झै घरको धन वा पैसा बगेर जान्छ । यसका साथै घरमा कहिल्यै धन टिक्दैन र आर्थिक हानि हुने संभावना रहन्छ ।

घरको भान्सा, बाथरूम वा अन्य कुनै स्थानमा लागेका धाराबाट पानी चुहिन्छ भने यसलाई अशुभ मानिन्छ । यसरी बन्द धाराबाट पानीका थोपाथोपा चुहिदाँ घरमा नकारात्मक ऊर्जाको वास हुने गर्दछ । साथै पानीको व्यर्थ हुनु वा बग्नु नराम्रो मानिन्छ । वास्तु अनुसार जुन घरमा धारा चुहिन्छ त्यहाँ ब्यर्थ खर्च हुने गर्दछ ।

वास्तु अनुसार यसरी बन्द धाराबाट पानी बग्दा यसले नचाहिँदा शीर्षकमा ब्यर्थको खर्च हुने संकेत मानिन्छ । वास्तुले घरको भान्साबाट लगातार बन्द धारा चुहिनु अशुभ मान्दछ । खासमा किचनमा अग्नीको वास हुने गर्दछ । जहाँ आगो र पानी एक साथ भए समस्या र अनावश्यक खर्च बढ्ने गर्दछ ।

वास्तु शास्त्र अनुसार उत्तर पूर्व दिशा पानीको ट्यांक राख्नु शुभ मानिन्छ । यस दिशामा पानीको स्थान भए धन र आर्थिक समृद्धि आउने गर्दछ । जबकि दक्षिण पश्चिम दिशा अर्थात नैऋत्य कोणमा पानी ट्याकी हुनु अशुभ मानिन्छ ।