जनकपुर- प्रदेश २ मा पछिल्लो २४ घण्टामा थप ४६ जनामा कोरोना भाइरसको संक्रमण पुष्टि भएको छ ।

प्रादेशिक जनस्वास्थ्य प्रयोगशाला जनकपुर, नारायणी उपक्षेत्रीय अस्पताल वीरगंज, गौर अस्पताल रौतहट र गजेन्द्र नारायण सगरमाथा अस्पताल राजबिराजमा गरिएको परीक्षणमा ९ महिला र ३७ पुरुषमा कोरोना पुष्टि भएको हो ।

स्वास्थ्य निर्देशनालय प्रदेश २ का जनुस्वास्थ्य अधिकृत विपिन कुमार यादवका अनुसार यो अवधिमा थप १ जनाको मृत्यु भएको छ।

सोमवार सिरहाको मिरचैया नगरपालिका वडा नम्बर १ मा घर भएका ६५ वर्षीय पुरुषको विराटनगरस्थित नोबेल अस्पतालमा उपचारको क्रममा मृत्यु भएको हो।

यससँगै प्रदेशमा कोरोना संक्रमणबाट मृत्यु हुनेको संख्या १ सय ८१ पुगेको छ। हालसम्म सबैभन्दा बढी प्रदेशको पर्सा जिल्लाका ५० जनाको केभिड १९ संक्रमणका कारण मृत्यु भएको छ।

उनका अनुसार सोमवार प्रदेशमा १७ जना महिला र ८१ जना पुरुष गरी कुल ९८ जना कोभिड १९ संक्रमणबाट निको भएर घर फर्किएका छन्। योसँगै प्रदेशमा कोरोनाबाट निको हुनेको संख्या १४ हजार ९सय ८ पुगेको छ।