काठमाडौं – स्वास्थ्य तथा जनसंख्या मन्त्रालयका ४ जना कर्मचारीमा कोरोना संक्रमण पुष्टि भएको छ ।

मन्त्रालय उच्च स्रोतका अनुसार मन्त्रालयमा कार्यारत ४ जना कर्मचारीमा कोरोना संक्रमण पुष्टि भएको हो । शुक्रवार स्वास्थ्य मन्त्रालयका ८४ जना कर्मचारीको स्वाब संकलन गरी नुमना परीक्षण गरिएको थियो । ती मध्ये ४ जनामा कोरोना पुष्टि भएको हो ।

संक्रमण पुष्टि भएकाहरु कार्यालय सहयोगी र सवारी चालक भएको जनाइएको छ ।

‘स्वास्थ्य मन्त्रालयका ४ जना कर्मचारीलाई कोरोना पुष्टि भयो, उहाँहरु कार्यलय सहयोगी तथा सवारी चालक भएको जानकारी आएको छ,’ स्रोतले खबरहबसँग भन्यो ।

स्वास्थ्य मन्त्रालयका सहप्रवक्ता डा समिर कुमार अधिकारीले भने मन्त्रालयमा भएको कोरोना परीक्षणको रिपोर्ट सबा ४ बजेको नियमित लाइभ अपडेटमा प्रवक्ताले जानकरी दिने बताए ।