सिड्नीः अस्ट्रेलियामा आर्थिक घोटला गर्ने एक नेपालीलाई १८ महिनाको जेल सजाय हुने भएको छ ।

वृद्ध व्यक्तिहरुको २० हजार अस्ट्रेलियन डलर घोटाला गरेको आरोपमा उनलाई १८ महिनाको जेल सजाय सुनाइएको हो ।

भारतीय कल सेण्टरमा काम गर्ने ती नेपालीले वृद्धहरु बस्ने गृहलाई लक्षित गरी १८ हजार ५०० डलर घोटाला गरेको अस्ट्रेलियाली मिडियाले जनाएका छन् ।

उनीहरुको क्रेडिट कार्ड अनैतिक रुपमा प्रयोग भएको र सहयोग गर्न आएको भन्दै क्रेडिट कार्डको लिएर घोटाला गर्ने गरेको आरोपमा सजाय सुनाइएको हो ।

९ न्यूजका अनुसार उनले संकलन गरेको क्रेडिट कार्डबाट पैसा निकाल्ने गरेका थिए । उनले केही पैसा विदेशमा समेत पठाएको समाचारमा उल्लेख छ ।

एक ८६ वर्षका वृद्धको क्रेडिट कार्डबाट सबैभन्दा बढी ५ हजार डलर निकालेका थिए । उनीसहित अन्य चार जनाको क्रेडिट कार्ड २१ पटक प्रयोग गरी जम्मा १८ हजार ५०० डलर रुपैया घोटाला गरेको खुलासा भएको छ ।