काठमाडौं- गणेशमान सिंह फाउन्डेसनले नेपाली कांग्रेसका नेताहरु राजेन्द्र खरेल र गोपालदास बादेलाइ गणेशमान सिंह प्रजातन्त्र सेनानीबाट सम्मान गरेको छ ।

गणेशमान सिह फाउन्डेसनअध्यक्ष तथा गणेशमान सिहका सुपुत्र नेपाली कांग्रेसका पुर्व महामान्त्री प्रकशमान सिंहले नेता द्वयका घरमा नै पुगेर खरेल र बादेलाई सम्मान गरेका हुन् ।

खरेलको निवास नयाँबानेश्वर तथा बादेको निवास बनेपानै पुगेर सम्मान गरिएको थियो । नेपाली कांग्रेसमा रहेर निष्ठाको राजनीति गरेको र प्रजातन्त्र स्थापनामा योगदान गरेबापत उच्च मुल्यांकनसहित सम्मान गरिएको प्रकाश मान सिंहले जानकारी दिए ।

सम्मानित दुवैलाई नगद २५ हजारसहित सम्मानपत्र र दोसल्ला ओढाएर सम्मान गरिएको थियो ।

खरेल र बादेसँगै श्रीपतिदास जोशी ललितपुर , शिवगोपाल रिसाल काठमाडौं, सानु मानन्धर काठमाडौं, श्यामलाल श्रेष्ठ काठमाडौं, प्रदीपमान श्रेष्ठ काठमाडौं, माथबरसिंह बस्नेत भक्तपुर, अन्जु बस्नेत काठमाडौं, भरत उप्रेती र रेवतिरमण सुबेदीलाइ सम्मान गरिएको फाउन्डेसनले जानकारी दिएको छ ।