काठमाडौं- अमेरिकाले नेपाललाई कोभिड–१९ रोकथाम र नियन्त्रणका लागि थप ३० लाख अमेरिकी डलर सहयोग गरेको छ ।

अन्तर्राष्ट्रिय विकास नियोग (युएसइआईडी) मार्फत मार्चमा १८ लाख डलर, अप्रिलमा २५ लाख डलर, र अहिले ३० लाख डलर सहयोग गरेको हो ।

अमेरिकी राजदूत र्‍यान्डी बेरीले युएसएआईडीको नयाँ कोभिड–१९ प्रतिकार्य सहायता घोषणा गरेका हुन् । यसँगै नेपाललाई अमेरिकी सरकारले उपलब्ध गराएको कोभिड–१९ सहायता ७३ लाख डलर पुगेको छ ।

पछिल्लो ३० लाख डलर कर्णाली र प्रदेश ५ मा कोभिड-१९ लगायत अन्य स्वास्थ्य समस्यासँग जुध्न अझै बलियो प्रणाली र प्रतिकार्यको लागि सहयोग निर्माणमा खर्च हुने बताइएको छ ।

फेब्रुअरी महिनामा नेपाली जनताको लागि पहिलो अन्तरर्राष्ट्रिय सहयोगीको रूपमा पीपीई र कोभिड-१९ जाँच सामग्री हस्तातरण गरेयता अमेरिकाले ७ पटकसम्म स्वास्थ्य सामग्री सहयोग प्रादन गरिसकेको छ ।