लकडाउनले हामी कैयौं कामलाई घरभित्रै गर्ने प्रयास गरिरहेका छौ । जीमहल बन्द हुँदा कतिपय मानिस घरभित्रै शारीरिक अभ्यास गर्दै आएका छन् । तर घरमा एक्सरसाइज गर्दा मांसपेशिमा हल्का वा गम्भीर ऐठन हुने सम्भावना उच्च हुन्छ ।

खासमा अचानक कुनै पनि शारीरिक गतिविधि गर्दा मांसपेशिमा लैक्टिक एसिड बन्दछ जसका कारण शरीरमा ऐंठन हुने गर्दछ । आमअवस्थामा शरीरका मांसपेशिमा अक्सिजनको कमीले पनि ऐंठनको समस्या देखापर्दछ । यदि तपाईमा मांसपेशिमा हुने ऐंठनको समस्या छ भने हामी केहि फलका बारेमा बताउँदैछौ जसले यो पीडालाई जरैबाट कम गराउँछ ।

केरा
पोटाशियम, क्यालसियम, र म्याग्नेशियमले भरीपुर्ण केरा मांसपेशिमा ऐंठन कम गर्नमा सहायक मानिन्छ । कुनै पनि शारीरीक गतिविधि पश्चात केरा खानु अत्यन्त लाभदायक हुन्छ । चिकित्सक पनि एक्सरसाइज पश्चात केरा खाने सल्लाह दिन्छन् ।

सखरखण्ड (सुठुनी)
केरा जस्तै सखरखण्डमा म्याग्नेशियम र क्यालसियम पर्याप्त मात्रामा पाइन्छ । तर केरामा भन्दा यसमा क्यालसियमको मात्रा अत्यधिक रहन्छ । सखरखण्डमा केरा भन्दा ६ गुणा बढि क्यालसियम पाइन्छ ।

खरबूजा
खरबुजा पनि मांसपेशिमा हुने ऐंठनबाट राहत दिने फल हो । यसमा सोडियम, क्यालसियम, र म्यानेशियम जस्ता तत्वपाउन सकिन्छ । खरबूजा सोडियम र पानीबीच सन्तुलन बनाएर मांसपेशिको ऐंठन कम गर्दछ ।

पात भएको साग
मांसपेशिको ऐंठनबाट बच्न कुनै पनि शारीरिक गतिविधि पश्चात खानामा पात भएको साग खानु पर्दछ । यसकालागी सागसहित ब्रोकोली र मेथीको पत्ता पनि उपयोगी हुन्छ ।

एवोकाडो
मांसपेशिमा हुने ऐंठनबाट बच्न एवोकाडोको सेवन अत्यन्त लाभदायक मानिन्छ । एवोकाडोमा अत्यधिक मात्रामा फ्याट र क्यालोरी पाइने भएकाले सीमित मात्रामा सेवनगर्नु पर्दछ ।