काठमाडौं – रुसमा ६ दिनमा ६३ हजारभन्दा बढी कोरोना भाइरसले संक्रमित भएका छन् ।
६ दिनयता लगातार दैनिक १० हजार भन्दा बढीमा संक्रमण देखिएको रुसमा शुक्रबार पनि १० हजार ६९९ जना नयाँ संक्रमित थपिएका छन् ।
यसअघि बिहिबार एकै दिन ११ हजार २३१ जनामा कोरोना भाइरसको संक्रमण देखिएको थियो ।
यो समाचार तयार पार्दासम्म रुसमा कुल संक्रमितको संख्या १ लाख ८७ हजार ८५९ पुगेको छ ।
पछिल्लो २४ घण्टामा थप ९८ जनाको मृत्यु भएको छ । योसँगै कुल मृतकको संख्या १ हजार ७२३ पुगेको छ ।
संक्रमितमध्ये २६ हजार ६०८ जना निको भएर घर फर्किएका छन् भने उपचार गराइरहेका १ लाख ५९ हजार ५२८ जनाको उपचार जारी छ ।
प्रतिक्रिया