काठमाडौं– सरकारले कोरोना भाइरस संक्रमण रोक्न जारी गरिएको लकडाउनका कारण कामविहीन बनेर बसेका व्यक्तिलाई शुक्रबार र शनिबार आ–आफ्नो घर जान दिने भएको छ ।
बिहीबार रक्षा मन्त्रालयमा बसेको सरकारवाला मन्त्रालयका मन्त्रीहरुको बैठकले काठमाडौं उपत्यका छाडेर बाहिर जान चाहने व्यक्तिलाई शुक्रबार र शनिबार आ–आफ्नो घर जान दिने निर्णय गरेको हो ।
यस बीचमा काठमाडौं उपत्यकामा भने प्रवेश गर्न पाइने छैन ।
रक्षा मन्त्रालय स्रोतका अनुसार गृह मन्त्रालय र संघीय मामिला तथा सामान्य प्रशासन मन्त्रालयले स्थानीय तहसँग समन्वय गरी काठमाडौं उपत्यका छाडेर जान चाहने व्यक्तिलाई आ–आफ्नो घर जाने व्यवस्था मिलाउने छन् ।
प्रतिक्रिया