विराटनगर– प्रदेश नम्बर १ को सुनसरी र मोरङमा भएका सवारी दुर्घटनामा परेर २ जनाको मृत्यु भएको छ ।

आइतबार साँझ पश्चिमबाट पूर्वतर्फ जाँदै गरेको ना ७ ख ७१८१ नम्बरको तेल बोक्ने ट्याङ्करले सुनसरीको इनरुवा–६ घोपाली टोलमा ठक्कर दिँदा १ जना पैद यात्रीको मृत्यु भएको छ ।

मृत्यु हुनेमा ४८ वर्षीया मोनीमाया गिरी छन् । ट्याङ्ककरको ठक्करबाट गम्भीर घाइते भएकी गिरीको उपचारको क्रममा जिल्ला अस्पताल इनरुवामा मृत्यु भएको प्रहरीले जनाएको छ ।

प्रहरीले ठक्कर दिने ट्याङ्कर र ट्याङ्ककरका चालकलाई नियन्त्रणमा लिइएको जनाएको छ ।

यस्तै, मोरङको बेलवारी नगरपालिका–९ मोटरसाइकल दुर्घटनामा परी १ जनाको मृत्यु भएको छ ।

आइतबार राति करिब ९ बजेको समयमा उत्तरबाट दक्षिणतर्फ जाँदै गरेको मे ८ प ५२२८ नम्बरको माटरसाइकल अनियन्त्रित भइ दुर्घटनामा परेको थियो ।

दुर्घटनामा परी गम्भीर घाइते भएका मोटरसाइकल चालक बेलवारी नगरपालिका–१० का २८ वर्षीय तेजबहादुर धिमालको उपचारका क्रममा मृत्यु भएको प्रहरीले जनाएको छ ।

दुर्घटनामा परेर गम्भीर घाइते भएका धिमाललाई उपचारका लागि बीपी कोइराला स्वास्थ्य विज्ञान प्रतिष्ठान धरानमा भर्ना गरिएको थियो ।