काठमाडौं– मलेसियाका रोजगारदाता कम्पनीले सम्झौता अनुसार तलव सुविधा नदिए त्यहाँको श्रम विभागमा उजुरी गर्न मिल्ने भएको छ ।

मलेसियाको मानव संशाधन मन्त्रालयले विदेशी श्रमिकलाई सम्झौताअनुसार तलब नपाए श्रम विभागमा उजुरी गर्ने विदेशी श्रमिकलाई आग्रह गरेको छ ।

मलेसियाको रोजगार ऐन १९५५ अनुसार देश विदेशका श्रमिकको मासिक तलब बृद्धि गरेको छ ।

जनवरीदेखि मलेसियामा कार्यरत सबै श्रमिकको मासिक तलब १२ सय रिंग्रेट तोकिएको छ ।

मलेसियाका रोजगारदाता कम्पनीले तोकेअनुसारको तलब रोजगारदाता कम्पनीले नदिए श्रम विभागमा सिधै उजुरी गर्ने व्यवस्था गरेको मन्त्रालयले जनाएको छ ।

यस्तै गरी मलेसियाको श्रम विभागले स्वीकृति गरेपछि मात्र डिमाण्ड स्रोत देश पाउने व्यवस्था पनि यही वर्षदेखि गरिएको छ । स्वदेशी विदेशी श्रमिकका हकमा कल्याण र सामाजिक सुरक्षाको पनि यही वर्षदेखि व्यवस्था गरिएको छ । मलेसियामा सुरक्षागार्डले धैरै काम गरेपनि तलब कम पाउने गरेका छन् ।

मलेसियामा नेपाली सुरक्षागार्डले हप्तामा सातै दिन १२ घण्टा काम गर्दापनि १७ सय रिंगेटमात्र पाएको उल्लेख छ । उनीहरुलाई विदाको पनि हुँदैन । यो समस्याका बारेमा विभाग गम्भीर भएको पनि जनाइएको छ ।