काठमाडौँ– स्वास्थ्य तथा जनसंख्या मन्त्रालयले देशभर ५३ जना कोरोना संक्रमितको भेन्टिलेटरमा उपचार भइरहेको जनाएको छ ।
मन्त्रालयका अनुसार हालसम्म ३३२ कोरोना संक्रमित आईसीयूमा उपचाररत छन्।

मन्त्रालयको तथ्यांक अनुसार सबै भन्दा धेरै बाग्मती ११३ जना आईसीयूमा र ३० को भेन्टिलेटरमा उपचार भइरहेको छ । यसैगरी लुम्बिनी प्रदेशमा ६७ जना आईसीयूमा र ३ जना भेन्टिलेटरमा उपचाररत छन् ।

यस्तै प्रदेश १ मा २९ जना आईसीयूमा र ६ जनाको भेन्टिलेटरमा उपचार भइरहेको छ भने प्रदेश २ मा ९ जना आईसीयूमा र ३ जना भेन्टिलेटरमा उपचाररत रहेको मन्त्रालयले जनाएको छ।

त्यस्तै गण्डकी प्रदेशमा ९८ आईसीयूमा र ९ जना भेन्टिलेटरमा उपचार भइरको मन्त्रालयको तथ्यांकमा उल्लेल छ । कर्णाली प्रदेशमा ९ जना आईसीयूमा उपचाररत छन् भने सुदूरपश्चिममा ७ जना आईसीयूमा र २ जनाको भेन्टिलेटरमा उपचार भइरहेको मन्त्रालयले जनाएको छ ।