काठमाडौं – कलाकार राजेश हमालले फिल्म बनाउने चर्चा लामो समयदेखि चल्दै आएको छ । हमालले केही समयअघि मात्र आफूले फिल्म निर्माणको तयारी थालेको बताएका थिए ।

फिल्म क्षेत्रमा उनले बनाउने फिल्मको चर्चा चलेको छ । तयारी भइरहेको यो फिल्ममा हमालको निर्देशन समेत रहनेछ । साथै शीर्ष कलाकारमा पनि उनी स्वयम् हुनेछन् ।

हमालका फ्यानमा उनको फिल्म कस्तो हुनेछ भन्नेमा चासो छ । फिल्मी जगतमा पनि उनले फिल्म बनाउने चर्चा छ ।

हालै हमालले एक लोकगीतको म्युजिक भिडियोमा अभिनय गरेका छन् । उक्त म्युजिक भिडियोमा हमालसँगै प्रकाश सपूत, वर्षा शिवाकोटी लगायतलाई पनि देख्न सकिन्छ ।

गीतको म्युजिक भिडियोमा हमालसँग स्किृन शेयर गरेकी वर्षाले फिल्ममा पनि हमालसँग काम गर्न चाहेको बताएकी छिन् ।

उनले पत्रकारसँगको कुराकानीमा आफू हमालको फ्यान भएको र आफूले पहिलोपटक ४ वर्षको उमेर हुँदा हमाललाई देखेको बताइन् ।

‘मैले उहाँलाई पहिलोपटक ४ वर्षको उमेरमा भेटेकी थिएँ, उहाँले मसँग हात पनि मिलाउनुभएको थियो, मैले पहिलोपटक प्रत्यक्ष देखेको स्टार पनि उहाँ हो,’ उनले भनिन् ।