मुम्बई – लकडाउनका कारण बलिउड लामो समयदेखि बन्द छ । लकडाउनको प्रभाव बिस्तारै खुल्दै छ । बलिउडमा कलाकारहरु पनि अब आफ्नो कामतर्फ फर्किन थालेका छन् ।

यता सलमान खान पनि आफ्नो फिल्मको छायांकन थाल्ने योजनामा छन् ।

खबरका अनुसार फिल्मका निर्देशक प्रभु देवा, निर्माता अतुल अग्निहोत्री र सलमान खानबीच अब फिल्मको बाँकी छायांकन थाल्ने सहमति भएको छ ।

बाँकी फिल्मको छायांकन भने मुम्बईको एक फेमस स्टुडियोमा हुने भएको छ । योजनाअनुसार अब यो फिल्मको छायांकन अगस्तबाट शुरु हुनेछ । फिल्मको एक गीत र केही बाँकी दृश्य पनि छायांकन गर्नुपर्ने छ ।

फिल्मको बाँकी छायांकन मुम्बईको महबूब स्टुडियोमा गरिनेछ । छायांकनमा सकभर कमभन्दा कम क्रु सदस्य हुने पनि जनाइएको छ ।

पछिल्लो समय ‘राधे’ ओटीटीमा रिलिज हुने चर्चा पनि चलिरहेको थियो । तर, फिल्म टिमले यो अफवाह भएको बताएको थियो ।