सगरमाथाको उचाइ नाप्नका लागि चिनियाँ टोली शिखरतर्फ गएको छ ।

चीनमा माउन्ट चोमोलङमा भनिने सगरमाथाको उचाइ नाप्नका लागि ३० भन्दा धेरै चिनियाँ सर्वेक्षण कर्ताले वेस क्याम्प छाडेको चिनियाँ सञ्चारमाध्यमहरुले जनाएका छन् ।

बुधवार त्यहाँको बेस क्याम्पबाट टोली शिखरतर्फ लागेको चाइना डेलीले जनाएको छ ।

यो मिशन संयुक्त रूपमा प्राकृतिक संसाधन मन्त्रालय, विदेश मन्त्रालय, चीनको खेल प्रशासन र तिब्बत स्वायत्त क्षेत्र को क्षेत्रीय सरकारद्वारा आयोजना गरिएको हो ।

टोलीमा प्राकृतिक स्रोत मन्त्रालयको पहिलो जियोडेटिकसर्भेइङ ब्रिगेड र चाइना पर्वतारोही समूह गरी दुई टोली छन्।

सर्भेयर टोलीले ग्लोबल नेभिगेसन स्याटेलाइट सिस्टम रिसिभर, गुरुत्वाकर्षण मापनका लागि ग्राभिमिटर, स्नो डेफ्थ राडर र मेट्रोलोजिकल मेजरिङ इन्स्ट्रुमेन्टको प्रयोग गरी सगरमाथाको उचाइको पुन मापन गर्ने समाचारमा जनाइएको छ ।

यस वर्ष तिब्बतमा उत्तरी मोहडाबाट पहिलो सगरमाथा आरोहणको ७० औं वर्षगाठ मनाइँदै छ भने चीनले सगरमाथाको उचाइ नापेको ४५ वर्ष पुग्दै छ ।

पछिल्ला केही दशकमा चीनले सगरमाथाको उचाइ मापनका लागि ६ वटा ठूला सर्भे गरिसकेको छ ।

चीनको पर्वतारोही टोलीले पहिलोपटक सन् १९७५ मा सगरमाथाको उचाइ ८ हजार ८ सय ४८ दशमलव १३ मिटर मापन गरेको थियो ।

सन् २००५ मा चीनले सगरमाथाको उचाइ ८ हजार ८ सय ४४ दशमलव ४३ मिटर मापन गरेको थियो ।