खोटाङ– ढुंगा प्रहार गरी आफ्नै भिनाजुको हत्या गरेको अभियोगमा खोटाङ प्रहरीले १ जनालाई पक्राउ गरेको छ ।
पक्राउ पर्नेमा केपिलासगढी गाउँपालिका-२ चोखाने सिराने बस्ने २७ वर्षीय मिलन राई छन् ।
मिलनले आफ्नै भिनाजु ४७ वर्षीय प्रितिलाल राईलाई टाउकोमा ढुंगा प्रहार गर्दा घटनास्थलमै मृत्यु भएको थियो ।
स्थानीयको सूचनाका आधारमा जिल्ला प्रहरी कार्यालय खोटाङ र ईलाका प्रहरी कार्यालय बाक्सिला तथा प्रहरी चौकी खार्ताम्छाबाट खटिएको प्रहरीले राईलाई घटनास्थलबाट पक्राउ गरेको हो ।
घटनाको सम्बन्धमा आवश्यक अनुसन्धान र सोधपुछका लागि मिलनकै भाइ २० वर्षीय जिवन राईलाई समेत प्रहरीले नियन्त्रणमा लिएको छ ।
प्रतिक्रिया