काठमाडौं– आजका लागि बोलाइएको संघीय संसदको बजेट अधिवेशन सांसदको कोरोना भाइरस परीक्षणको रिपोर्ट आएपछि मात्र सञ्चालन हुने भएको छ ।
अपरान्ह ४ बजेका लागि बैठक बोलाइएको छ । हिजो (बिहीबार) २१२ सांसदसहित ४४१ जनाको थ्रोट स्वाव संकलन गरी परीक्षणका लागि राष्ट्रिय परीक्षण प्रयोगशाला पठाइएको छ ।
परीक्षणको रिपोर्ट दिउँसो ३ बजे आउनेछ । रिपोर्ट आएपछिमात्र बैठक सञ्चालन हुने संसद सचिवालयले जनाएको छ ।
रिपोर्ट आएपछि एकघण्टापछि संसद बैठक सञ्चालन गरिने जनाइएको छ । संसद भवनमा प्रवेशका लागि सांसदले कोरोनाको परीक्षण रिपोर्ट देखाएरमात्र प्रवेश पाउने छन् ।
प्रतिक्रिया