काठमाडौं– विश्वव्यापी महामारीको रुपमा फैलिएको कोरोना भाइरसको संक्रमणका कारण ब्राजिलमा एकै दिन ६०० जनाले ज्यान गुमाएका छन् ।
विहीबार यता २४ घण्टाको अवधिमा ६ सय जनाले ज्यान गुमाएका हुन् । योसँगै ब्राजिलमा ज्यान गुमाउनेको संख्या ९ हजार १८८ पुगेको छ ।
एकैदिन थप ९ हजार ८२ जनामा कोरोनाको संक्रमण देखिएसँगै संक्रमित हुनेको संख्या १ लाख ३५ हजार ६९३ पुगेको छ ।
ब्राजिलमा कोरोना संक्रमितमध्ये ५५ हजार ३५० जना उपचारपछि निको भएका छन् । ७१ हजार १५५ जनाको विभिन्न अस्पतालमा उपचार भइरहेको छ । उनीहरुमध्ये ८ हजार ३१८ जनाको अवस्था गम्भीर रहेको छ ।
प्रतिक्रिया