काठमाडौं – आईसीसी विश्वकप क्रिकेट लिग २ मा नेपालले दिएको १ सय ९१ रनको लक्ष्य पछ्याएको अमेरिकामाथि नेपाली बलर हावी भएका छन् ।

किर्तिपुरस्थित टियू क्रिकेट मेदानमा जारी खेलमा ६ ओभर सकिँदा अमेरिकाले ४ विकेट गुमाएर २३ रन बनाएको छ ।

अमेरिकाविरुद्ध नेपालका करण केसी र सन्दीप लामिछानेले उत्कृष्ट बलिङ शुरुवात गरेको छ । जसमा सन्दीप र करणले दुई –दुई विकेट लिएका छन् ।

नेपालका लागि पहिलो विकेट सन्दीप लामिछानेले दिएका थिए । उनले अमेरिकाका ब्याटर आरोन जोन्स र मोनाङ्क पटेलको विकेट लिए भने करण केसीले जेभिएर मार्सल र स्टेभन टेलरको विकेट लिएका हुन् । करणले एकै ओभरमा २ विकेट लिएका हुन् । उनले तेस्रो ओभरको चौथो र अन्तिम बलमा विकेट लिएका थिए ।

अमेरिकाविरुद्ध नेपालले ४९.२ ओभर खेल्दै सबै विकेट गुमाएर १सय९० रन बनाएको थियो ।