कैलाली- कैलालीमा एकैदिन ६३ जना नेपाली सेनामा कोरोना संक्रमण देखिएको छ ।

सेती प्रादेशिक अस्पतालको प्रयोगशालामा सोमबार भएको परीक्षणमा उनीहरुलाई कोरोना संक्रमण देखिएको हो ।

कोरोना संक्रमण देखिएका सैनिकहरु लम्कीचुहा नगरपालिकामा रहेको सुदूरपश्चिम पृतना तालिम शिक्षालय गोरुंगेमा कार्यरत रहेको जनाइएको छ ।

शिक्षालयमा कार्यरत चार जनामा सेनामा संक्रमण देखिएपछि त्यहाँ रहेका २४५ जनाको स्वाब संकलन गरेर परीक्षणका लागि धनगढीस्थित प्रयोशालामा पठाइएको थियो ।

यसअघि डोटीमा कार्यरत २१ ज्ना सैनिकमा पनि एकैदिन कोरोना संक्रमण देखिएको भएको थियो ।

उनीहरुलाई कोरोना संक्रमण पुष्टि भएसँगै सुदूरपश्चिममा नेपाली सेनाका सबै गुल्ममा विशेष सावधानी अपनाउन निर्देशन दिइसकेको सुदूरपश्चिम पृतनाले जनाएको छ ।