काठमाडौं- चिनियाँ राजदूत होउ यान्छीले नेकपाका नेताहरुसँग गरेको भेटवार्ता मर्यादाविपरीत भन्दै नेविसंघका युवाहरुले मंगलबार चिनियाँ दूतावास अगाडि प्रदर्शन गरेका छन् ।
नेविसंघका कार्यकर्ताहरुले राजदूत यान्छीको तस्बिर र प्ले कार्डसहित प्रदर्शन गरेका हुन्। नेकपाभित्र चर्को विवाद भइरहेको बेला यान्छीले नेताहरुलाई घरमै गएर भेटेपछि विरोध प्रदर्शन भएको हो ।
उनीहरुले यान्छीले कूटनीतिक मर्यादाविपरीत नेकपाका नेताहरुसँग भेटवार्ता गरेको आरोप लगाएका छन् ।
यान्छीले केहीदिन अघि नेकपाका वरिष्ठ माधवकुमार नेपाललाई भेटेकी थिइन भने आज बिहान मात्रै वरिष्ठ नेता झलनाथ खनालसँग निवासमै पुगेर भेट गरेकी थिइन् ।
प्रतिक्रिया