मोरङ– प्रदेश एकमा हालसम्म ४ सय ९० जना कोरोना संक्रमित निको भएर अस्पतालबाट घर फर्किएका छन् ।

पछिल्लो २४ घण्टामा विराटनगरको कोशी अस्पताल कोभिड १९ केन्द्रबाट सात र धरानस्थित बीपी कोइराला स्वास्थ्य विज्ञान प्रतिष्ठानबाट ११ जना कोरोना संक्रमित डिस्चार्ज भएका छन्।

सामाजिक मन्त्रालयका अनुसार केन्द्रमा उपचाररत ५ पुरुष र ३ महिला मंगलबार पीसीआर रिपोर्ट नेगेटिभ आएपछि डिस्चार्ज भएका हुन्।

केन्द्रका अनुसार डिस्चार्ज हुनेमा ६ देखि ५० वर्ष उमेरसम्मका मोरङका ४ र सुनसरीका ३ जना रहेका छन्। उनीहरु गत जेठ २७ देखि असार १३ गतेसम्म केन्द्रमा भर्ना भएका थिए।

त्यसैगरि धरानको बीपी कोइराला स्वास्थ्य विज्ञान प्रतिष्ठान कोभिड १९ अस्पतालबाट ११ जना संक्रमित उपचारपछि घर फर्किएका छन्

कोभिड १९ लाई जितेर घर फर्कनेमा ७ महिला र ४ पुरुष रहेको डा. सापकोटाले जानकारी दिए।

धरानको कोभिड १९ अस्पतालबाट हालसम्म २ सय ११ जना सफल उपचारपछि डिस्चार्ज भइसकेका छन्।