बलिउडका खेलाडीको नामबाट परिचित चर्चित सुपरस्टार अक्षय कुमारलाई पछिल्ला वर्षमा हिट फिल्मदिने मेसिन भनिन्छ । उनका हरेक फिल्म ब्लक बस्टर रहने गरेका छन् ।

यस सफलताकापछि अक्षयको २५ बर्षको मेहनत नै हो । अक्षयको यही मेहनतलाई निर्माताले अधिकतम पैसा लगाएर किन्ने गरेका छन् ।

अब यतिमात्र होइन, बलिउडका तीन खान त परको कुरा हलिउडका कैयौं सुपरस्टार पनि उनको तीव्र बेगको पछि परेका छन् ।

यस पटक फोब्स २०२० लिष्टमा अक्षयको हैसियत बाहिरीएको छ । फोब्सको नयाँ रिपोर्ट अनुसार अक्षय बलिउडका एकमात्र यस्ता कलाकार हुन् जसको नाम २०२० को ‘हाईएस्ट पेड एक्टर्स’को सुचिमा परेको छ ।

फोब्स २०२० को अधिकतम पारिश्रमिक थाप्ने कलाकारको सुचिमा अक्षय ५२ औं स्थानमा परेका छन् ।

यस सुचिलाई आधार बनाएर हेर्ने हो भने, अक्षयले हलिउड सुपरस्टार विल स्मिथ, जेनिफर लोपाज र इन्टरनेशनल टप पप स्टार रिहानालाई पछि छाडेका छन् । रिपोर्टमा अक्षयको बार्षिक आम्दानी ४८ दशमलव ५ मिलियन डलर बताइएको छ ।

अक्षय चाडैं रोहित शेट्टीको फिल्म ’सूर्यवंशी’ सहित ’लक्ष्मीबम’, ’बेलबटम’ र ’पृथ्वीराज’जस्ता फिल्ममाा देखा पर्नेछन् ।