काठमाडौं – विदेशबाट फर्किने नेपालीहरूलाई राख्न सरकारले होटललाई नै क्वारेन्टाइन बनाएको छ ।

लकडाउनले ठप्प रहेका विभिन्न ४७ वटा होटेलहरुलाई क्वारेन्टाइनको रूपमा प्रयोग गर्ने गरि तयारी गरिएको हो ।

उक्त होटलहरूको सूची सरकारले सार्वजनिक गरेको छ । उक्त होटलमा क्वारेन्टाइन बस्न चाहनेको खर्च भने सरकारले ब्यहोर्ने छैन ।

अर्थात व्यक्ति स्वयमले होटलमा क्वारेन्टाइन अवधि पूरा गर्न चाहेमा सरकारले त्यसको प्रबन्ध गर्नेछ र त्यसको खर्च होटलमा बस्ने स्वयमले बेहोर्नुपर्नेछ ।

सरकारले सार्वजनिक गरेका ४७ वटा होटलको सूचीमा ३ वटा चार तारे होटल, ९ वटा तीनतारे होटलको संख्या, दुई तारे होटलको संख्या २, एकतारे होटल ५ र पर्यटक स्तरका तर चारतारे होटल सरहको मूल्य तिर्नुपर्ने २८ होटलहरु छन् ।

जिल्ला प्रशासन कार्यालय काठमाडौंले शनिबार सार्वजनिक गरेको सूचीमा चारतारे होटलहरु ग्राण्ड, ड्रिमल्याण्ड गोल्ड रिसोर्ट र स्वीस इन्टरनेशनल होटल सरोवर छन् ।

ग्राण्ड होटल काठमाडौंमा, ड्रिमल्याण्ड रुपन्देहीको मनिग्राममा र स्वीस इन्टरनेशनल पोखरामा छन् ।

यी हुन् क्वारेन्टाइनका लागि सार्बजनिक गरिएका होटलहरू