काठमाडौं – फ्रान्सका रक्षामन्त्री फ्लोरेन्स पार्लीले आतंककारी संगठन अल कायदाको मालीका प्रमुख सैनिक कारबाहीमा मारिएको दाबी गरेकी छन् ।
रक्षामन्त्री पार्लीले फ्रान्सेली सैनिकको कारबाहीमा परी अल कायदाको मालीका प्रमुख अब्लेलमार्क ड्रकदेल मारिएको जानकारी दिएकी हुन्।
मालीमा एक्युएमआई नामक आतंककारी संगठन चलाएको र सो संगठन अलकायदासँग आबद्ध रहेको जानकारी उनले दिएकी हुन्।
मालीमा उक्त संगठनले सन् २०१२ देखि नै आतंक मच्चाउदै आएको बताइन्छ । उक्त आतंककारी संगठनले सन् २००७ देखि उत्तरी अफ्रिका र साहेलमा पनि सशस्त्र लडाकूहरुमार्फत हिंसात्मक गतिविधि गर्दै आएको फ्रान्सको दाबी छ ।
प्रतिक्रिया