काठमाडौं– राष्ट्रिय परीक्षा बोर्डले कक्षा ११ र १२ को परीक्षा स्थगित गरेको छ ।

कोरोना भाइरस (कोभिड १९) संक्रमणको जोखिमका कारण वैशाख ८ गतेदेखि सञ्चालन हुने गरी तोकिएको कक्षा १२ र २१ गतेदेखि सञ्चालन हुने गरी तोकिएको कक्षा ११ को परीक्षा स्थगित गरिएको हो ।

बोर्डले मंगलबार एक सूचना जारी गर्दै कोरोना भाइरस संक्रमणको जोखिम बढेको असहज परिस्थितिका कारण कक्षा ११ र १२ को परीक्षा स्थगित गरिएको जानकारी दिएको हो ।

बोर्डले हालको संक्रमणकालीन अवस्थामा सुधार भइ जनजीवन सामानय अवस्थामा फर्किने स्थिति भए स्थगित भएको परीक्षाको नयाँ तालिका जारी गरिने जनाएको छ ।

कोरोना भाइरस संक्रमणको जोखिमका कारण सरकारले यसअघि माध्यमिक शिक्षा परीक्षा (एसइई) पनि स्थगित गरेको थियो ।