जाजरकोट– वन तथा वातावरणमन्त्री शक्तिबहादुर वस्नेतले आफ्नो गृहजिल्ला जाजरकोटमा स्वास्थ्य सामाग्री प्रदान गरेका छन् । वस्नेतको व्यक्तिगत सहयोग तथा पहलमा स्वास्थ्य सामग्रीहरु जाजरकोट पठाइएको छ ।

मन्त्री बस्नेतका स्वकिय सचिव मुक्तिराज वस्नेतले प्रमख जिल्ला अधिकारी जनकराज पन्तमार्फत मंगलवार स्वास्थ्य सामाग्री हस्तान्तरण गरेका हुन् ।

मन्त्री वस्नेतले वेड १२ सेट, १ सय सेट गज, थर्मल गण १० थान, पीपीई १४० सेट, गाउन १० थान, मास्क १७००, डिटोल सावुन (सोप) १ कार्टुन, ४५० थान ग्लोप्स र डिटोल लिक्विड र हेण्ड वास २ कार्टुन सहयोग गरेका छन् ।

जाजरकोटका प्रमुख जिल्ला अधिकारी पन्तले स्वास्थ्य सामाग्री बुझ्दै कोरोना भाइरसको संक्रमणको बेला मन्त्री वस्नेतको सहयोगले मनोवल उच्च बनाएको बताए ।

उनले प्राप्त स्वास्थ्य सामाग्री कोभिड १९ को संक्रमणबाट जोगिन र कोरोना भाइरसका बिरामी जांचमा स्वास्थ्यकर्मीले प्रयोग गर्ने जानकारी दिए ।