काठमाडौं- प्रधानमन्त्री केपी शर्मा ओलीले नागरिकको जीवनरक्षा भन्दा ठूलो कुरा अरु नभएको बताएका छन् ।

विश्वव्यापी कोरोना भाइसको संक्रमण महामारीका रुपमा फैलिरहेको अवस्थामा देशबासीका नाममा सम्बोधन गर्दै प्रधानमन्त्री ओलीले यो समयमा नागरिकको जीवन रक्षा नै पहिलो प्राथमिकता रहेको बताएका हुन् ।

उनले विकसि राष्ट्रलाई आच्छु आच्छु पारिरेको हुँदा हम्मे हम्मेको अवस्थामा साझा ऐक्यवद्धता जनाउनु अपरिहार्य रहेको बताए ।

उनले देशबासीका नाममा सम्बोधन गर्दै सबैलाई एकजुट हुन आग्रह गरे । उनले स्वास्थ्य क्षेत्रमा खटिनेहरुको सेवा सुविधाको बन्दोबस्ती गरेको जानकारी दिए ।

“उपचारको पहिलो घेरामा रहनेहरुलाई शतप्रतिशत, दोस्रो र तेस्रो घेरामा रहनेलाई पचहत्तर र पचास प्रतिशत भत्ता यसअघि नै घोषणा गरिसकिएको छ। आवश्यक सुरक्षा उपकरणको व्यवस्था सहित २५ लाख बराबरको बीमाको व्यवस्था सहित सरकार, तपाईहरुको समग्र सुरक्षामा प्रतिवद्ध छ।”, प्रधानमन्त्री ओलीले भने ।

उनले यो विसम परिस्थितमा भ्रष्टाचार भएको घटना देखिएमा खबर गर्न आग्रह गरे । यस महामारीविरुद्ध आउने केही हप्ता साह्रा गाह्रोको सामना गर्न पनि आग्रह गरे ।

सुरक्षा प्रबन्ध व्यवस्थित बनाउन तथा भाइरसको संक्रमण फैलिन नदिन सरकार प्रतिबद्ध रहेको जानकारी दिए ।