काठमाडौं – सिन्धुलीको गोलन्जोर गाउँपालिका–५ भीमसेनडाँडामा रहेको नेपाल टेलिकमको टावरलाई चट्याङले क्षति पुर्याउँदा सेवा अवरुद्ध भएको छ ।
जिल्ला प्रहरी कार्यालयका प्रहरी उपरीक्षक रञ्जु सिग्देलले आज बिहान परेको चट्याङले सो डाँडामा रहेको टावरको उपकरणलाई क्षति पुर्याएको जानकारी दिइन् । कुन उपकरणमा कति क्षति पुगेको हो भन्ने विवरण प्राप्त नभएको जनाइएको छ ।
चट्याङका कारण टावर नजिकै रहेका पाँच घरका विद्युतको मिटरबक्समा क्षति पुगेको छ ।
नेपाल टेलिकमका लेखा अधिकृत बसुधरा खड्काले टावरमा चट्याङ पर्दा पूरै क्षति भएको, मर्मत गर्न प्राविधिक टोली आइतबार आउने र छिटोभन्दा चाँडो सेवा सञ्चालनमा ल्याउने जानकारी दिइन् ।
प्रतिक्रिया