काठमाडौं– विश्वमा महामारीमा रुपमा फैलँदै गरेको कोरोना भाइरसको संक्रमणमा परी ज्यान गुमाउनेको संख्या ३ हजार ४ सय पुगेको छ ।

अहिलेसम्म एक लाखभन्दा बढी मानिस प्रभावित भएको सीएनएनले जनाएको छ ।

कोरोनाको संक्रमण फैलने देशको संख्या पनि ८७ पुगेको छ ।

चीनमा मात्रै ८० हजार ५ सय प्रभावित भएका छन् । कोरोनाकै कारण ३ हजार बढी चिनियाँले ज्यान गुएका छन् ।

चीन बाहेकका देशमा कोरोना संक्रमितको संख्या १९ हजार ३ सय पुगेको छ । विश्वभर ज्यान गुमाउनेको संख्या ३ सय ६० भन्दा बढीले ज्यान गुमाएका छन् ।

कुनकुन देशमा फैलियो संक्रमण

कोरोना भाइरसको संक्रमण अहिलेसम्म ८७ देशमा पुगेको छ । जसमध्ये अफगानिस्तानमा १ जनामा यसको संक्रमण भएको पुष्टि भएको छ ।

त्यस्तै अल्जेरियामा १२ जना, अन्डोरामा एक जना, अर्जेन्टिनामा २ जनामा कोरोनाको संक्रमण भएको पाइएको छ ।

त्यसैगरि अरमेनियामा एक जना, अस्ट्रियामा ४१ जना संक्रमित भएका छन् । अस्ट्रेलियामा ५२ जना संक्रमित छन् भने २ जनाको ज्यान नै गएको छ ।

बहराइनमा ४९ जना संक्रमित छन् भने ब्रुसेलमा ६ जना संक्रमित छन् । बेल्जियममा एक सय नौ जना र भुटानमा एक जना संक्रमित भेटिएका छन् ।

त्यस्तै बोस्निया र हरजिगोभिनामा एक जनामा कोरोनाको संक्रमण देखिएको छ । त्यस्तै ब्राजिलमा ८, चेलीमा ५ जनामा कोरोनाको संक्रमण देखिएकोछ ।

कम्बोडियामा १, क्यानडामा ५१, क्रोएसियामा ६ जनामा संक्रमण देखिएको छ । चेक रिपब्लिकमा १२, डेनमार्कमा ३, डोमिनिकम रिपब्लिकमा २, इक्युडरमा १३, इजिप्टमा १५ जनामा संक्रमण देखिएको छ ।

त्यसैगरी इस्टोनियामा एक, फिनल्याण्डमा ३, गोरजियामा एकजनामा संक्रमण देखिएको छ । फ्रान्समा ४ सय २३ संक्रमित छन् भने ९ जनाको ज्यान गइसकेको छ । जर्मनीमा संक्रमित हुनेको संख्या ५३४ पुगेको छ भने ग्रीसमा ३१ पुगेको छ ।

हङकङमा १०३ संक्रमित छन् भने २ जनाको ज्यान नै गएको छ । हंगेरीमा पनि एक जनामा संक्रमण भएको पाइएको छ ।