झापा–प्रदेश एकमा रहेको एकमात्र क्यान्सर अस्पताल पूर्वाञ्चल क्यान्सर अस्पतालले झापाको धुलाबारीमा क्यान्सर सम्बन्धि अन्तराष्ट्रिय सम्मेलन गर्ने भएको छ ।

मानिसहरुलाई क्यान्सरको विषयमा सचेतना फैलाउने उदेश्यले क्यान्सर सम्बन्धि सम्मेलन गर्न लागिएको अस्पतालले जनाएको छ ।
सम्मेलन आगामी बैशाख ६ र ७ गते दुईदिन हुने अस्पतालले जनाएको छ ।

प्रदेश एकको झापामा रहेको पूर्वाञ्चल क्यान्सर अस्पताल प्रदेश एकमा पहिलो पटक सञ्चालित क्यान्सर अस्पताल हो ।

एक सय शय्या रहेको पूर्वाञ्चल क्यान्सर अस्पतालमा मेडिकल अंकोलोजी, केमोथेरापी, हेमाटो अंकोलोजी, पेडियाट्रिक अंकोलोजी, रेडिएसन अंकोलोजी, फोरडी सिटी गामा क्यामेरा, क्याथ ल्याब, सर्जिकल अंकोलोजी लगायतको क्यान्सर स्म्बन्धि सबै किसिमका उपचार सेवाको व्यवस्था रहेको छ ।

गत पौष १६ गते देखि सञ्चालमा आएको पूर्वाञ्चल क्यान्सर अस्पतालले विपन्न एवं असहाय तथा जेष्ठ नागरीकलाई लक्षित गरेर शय्या शुल्कमा छुटको समेत व्यवस्था गरेको छ ।

नेपालमा रहेका क्यान्सर पीडित नागरीकलाई कम समय तथा उचित लागत मा उपचार गर्ने उदेश्यले क्यान्सर अस्पताल स्थापन गरीएको अस्पतालले जनाएको छ ।