ए डिभिजन लिगमा आज शेर्पा र फ्रेण्ड्स भिड्ने

२२ पुस २०७६, मंगलबार

पढ्न लाग्ने समय : < 1 मिनेट

काठमाडौं- जारी शहीद स्मारक ए डिभिजन लिग अन्तर्गत आज (मंगलबार) शेर्पा र फ्रेण्ड्स क्लबबीच प्रतिस्पर्धा हुँदैछ ।

खेल दिउँसो ३ बजे दशरथ रंगशालामा हुनेछ । रेलिगेशन जोनमा रहेका दुबै टिम पहिलो जित निकाल्दै लिग तालिकामा सुधार गर्न चाहन्छन् ।

लिगको ४ खेल सकिदाँ दुवै टिमले जित निकाल्न सकेका छैनन् । दुई खेल बराबरी खेलेको शेर्पा २ अंक सहित तालिकाको १२ औं स्थानमा छ ।

फ्रेन्ड्स एक बराबरी र तीन हार सहित एक अंक जोडेर तालिकाको १३ औं स्थानमा छ ।

दुवै टिम प्रतियोगितामा पहिलो जितको खोजीमा छन् ।

प्रकाशित मिति : २२ पुस २०७६, मंगलबार ९ : १५ बजे

प्रतिक्रिया